1. #1
    Registriert seit
    Jan 2011
    Ort
    schweiz/bw
    Beiträge
    9.233

    nüt schtoht fescht

    dr Byswind pfyft sys Liëd gar lut
    um aui Egge, rund ums Dach
    är singt so grüslech, ass s'eym frürt
    und macht rächt schröcklech Krach

    dr Byswind ruscht dür d'Gasse-n us
    und äne wider yne - mach,
    ass agleyt bisch! Dä schurig Kärl
    macht aus zäntume wach!

    und ringetume hület's jetz
    unheÿmlech, gschpängschtisch isch dä Krach
    und ou dië Tote wachen uf
    und chrüchen ungers Dach

    äs chroset, ächzt und hült und gyrt
    ha Angscht um mi und myny Sach
    dr Byswind goht und nüt schtoht fescht
    lang liggen-y wach dië Nacht
    Geändert von kaspar praetorius (31.01.2019 um 06:54 Uhr)

  2. #2
    Registriert seit
    Feb 2017
    Beiträge
    2.012
    Ja schtimmt, das hets bi üs ou, so richtig vouhahne byset. Aber jtz isch vrbi, d Sunne schynt, die Tote ligge und d Hütte schteit no. A propos Hütte: Das "und ringetume" grad nach em "zäntume" würd mir mit "um d Hütten-ume" dütlech besser gfaue. E windige Gruess usem Südweschte, gugol

  3. #3
    Registriert seit
    Jan 2011
    Ort
    schweiz/bw
    Beiträge
    9.233
    das kann man sich in guten treuen überlegen, obwohl es mir immer noch möglich scheint, durch diese dopplung ein wenig das auge des hurrikans zu definieren.
    merci fürs yneluëge
    kp

Berechtigungen

  • Neue Themen erstellen: Nein
  • Themen beantworten: Nein
  • Anhänge hochladen: Nein
  • Beiträge bearbeiten: Nein
  •  

Anmelden

Anmelden